Британската пејачка Адел објави дека никому не му дозволува да ја користи нејзината музика за политичка кампања.
Портпаролот на Адел објави соопштение откако на настапите пред партиските предизбори во американската сојузна држава Ајова на кандидатот за републиканската претседателска номинација Доналд Трамп бил емитуван нејзиниот хит „Rolling in the Deep“, додека сега веќе истиснатиот од трката Мајк Хакаби се користел со песната „Hello“ на YouTybe.
„Адел не дозволила нејзината музика да се користи во политичките кампањи“, изјави портпаролот во соопштението. Не објаснува дали пејачката, чијшто албум „25“ минатата година беше најпродаваниот на светот, ќе преземе некои законски мерки за да се спречи неовластеното користење на нејзината песна.
Адел не е единствената поп-рок ѕвезда чиишто песни политичарите неовластено ги користеа за своите потреби.
Пејачот на групата R.E.M., Мајк Стип, сериозно се налути на Доналд Трамп кога овој на еден собир ја употреби неговата песна „It’s the End of the World As We Know It” и му порача да „о….“ од неговата музика.
A Франки Саливен се жалеше дека неговиот голем хит од 1982 година „Eye of the Tiger“ пред неколку месеци е користен на прес-конференцијата на Кин Дејвис, матичарката од сојузната држава Кентаки којашто одби да склучува еднополови бракови и поради кршењето на законот накусо заврши во затвор.