Десетици се јавиле во полиција тврдејќи дека парите пронајдени во Дунав се нивни

Многу наводни сопственици се јавиле на виенската полиција, тврдејќи дека парите што пливаа по Дунав се нивни, а полицијата проверува кој дал лажен исказ за сопственоста на банкнотите.

Image

Десетици луѓе се јавиле во полиција и пријавиле исчезнување на пари, рече портпаролот на полицијата. Неколку од тие повици очигледно биле шега, но некои се обиделе и да ја измамат полицијата.

Банкноти од 100 и 500 евра некако завршиле во Дунав и продолжиле да плутаат по водата. Од реката се извадени вкупно 130.000 евра.

Полицијата одби да ги потврди медиумските написи дека еден постар човек кој боледува од деменција, испразнил торба со пари во каналот.