Новицки како во најдобрите денови

Далас го победи Портланд со 132:120, по едно продолжение, во најнеисвесниот натпревар, кој изминатата ноќ се одигра во НБА лигата. Блескаше на овој меч Германецот Дирк Новицки, тој постигна 40 поени.

Image

Портланд, во регуларниот дел од мечот имаше шут за победа, кој не го реализираше Демијан Лилард. Во продолжението Далас преку Новицки и Дерон Вилијамс во првите три минути стигна до предност од 11 поени со кои го реши победникот.

Ветеранот Новоцки блескаше со сезонски рекорд од 40 поени, додека Вилијамс мечот го заврши со 31 поен и 16 асистенции.

Портланд го предводеа лилард со 26, Ален Крејб со 24 и Си Џеј Меколум со 22 поени.

Далас со оваа победа стигна до скор 35-35 колку што има и Хјустон, додека Портланд има победа повеќе. Овие три тима, заедно со Јута која има скор 34 победи и 36 порази, до крајот на сезоната ќе се борба за пласман од шестото до осмото место на Западот.

Резултати: Торонто-Орландо 105:100, Њу Орлеанс-ЛА Клиперс 109:105, Филаделфија-Бостон 105:120, Милвоки-Јута 85:94, Њујорк-Сакраменто 80:88.