Иан Фрасер ’Леми’ Килмистер, англиски рок музичар, најпознат како пејач, басист и текстописец на хеви метал бендот Моторхед, почина на 70-годишна возраст. Тажната вест ја објави бендот на својата Facebook страница, каде стои дека Леми починал на 28.декември во својот дом, само два дена откако му бил дијагностициран агресивен канцер.
Леми го основа бендот Моторхед во 1975 година и со овој бенд сними 22 албуми, меѓу кои и легендарниот Ace of Spades.
„Денес го загубивме Леми, кој беше еден од моите најдобри пријатели. Ќе ми недостига. Беше воин и легенда. Се гледаме на другата страна“, напишал во својата порака Ози Озборн.