САД: Албанија останува главен извор за производство на марихуана

Американскиот Стејт Департмент во својот последен Извештај во врска со борбата против наркотиците тврди дека Албанија и понатаму останува  главен извор на производство на марихуана.

Image
Во наведениот извештај кој го пренесуваат албанските медиуми, се додава дека Албанија исто така е транзит земја за шверц со кокаин и хероин  кој се пласира на европскиот нарко пазар.

Според радиото Гласот на Америка  во првите десет месеци од минатата година  албанските власти  успеале да запленат 6,87 тони марихуана и целосно уништиле на засадените плантажи 689.815 садници марихуана која била засадена на 44 хектари во неколку делови на Албанија. Албанските власти исто така во наведениот период заплениле  55,3 кг хероин и  26,4 кг кокаин.

И покрај успесите за запленување и уништување на дрога во соработка со италијанската полиција, но и поддршка на други земји, посебно САД , сепак албанските власти треба да продолжат со нагласена динамика во борбата против производство на дрогите во земјата, се оценува во Извештајот на Американскиот Стејт Департмент.