Сода бикарбона – замена за 8 скапи препарати за нега

Оваа навидум обична, бела прав е всушност неорганска хемикалија која сè почесто се употребува во домашната козметика затоа што нема штетни дејства, а дава одлични резултати.

soda

 

Ако сакате помека кожа и коса, побели заби и темелно негувани стапала, еве што треба да направите:

Нега на коса

Кога ја миете косата, во шампонот додајте ¼ лажичка сода бикарбона, која лесно ќе ги отстрани сите препарати за обликување кои сте ги нанеле на косата.

Антиперспирант

Ставете малку сода бикарбона под пазувите за да го неутрализирате непријатниот мирис на телото. Одлична алтернатива за антиперспирантите со алкохол.

Паста за заби

Помешајте малку сода бикарбона со 3% хидроген-пероксид и ќе добиете паста за заби која не содржи флуор.

Средство за миење на устата

Измешајте 1 лажица сода бикарбона со 2dl вода и течноста добро промешајте ја. Исплакнете ја устата со неа и сите мириси ќе бидат неутрализирани, а бактериите уништени.

Пилинг за лице

Наместо да трошите пари за скапи препарати, промешајте сода бикарбона и вода во размер 3:1. Лесно тријте ја добиената пастата на кожата и измијте. Ова средство може да го користите секојдневно.

Купка

Додајте ½ шолја сода бикарбона во вашата купка за да ја неутрализирате киселоста на кожата, да ги исчистите маслата од неа и да ја осветлите.

Нега на стапала

Ставете 3 лажици сода бикарбона во леген со топла вода, ставете ги нозете и лесно измасирајте ги. Намачкајте се со крема или лосион за стапала и веднаш ќе ја забележите свежината.

Нега на раце

Прескокнете ги интензивните сапуни и нежно тријте ги рацете со сода бикарбона која ќе ги отстрани сите бактерии и непријатни мириси. Додадете неколку лажички сода бикарбона во сапунот, тоа е секогаш добра комбинација.