Храна која ја влошува настинката

Како што постои храна која може да ви ги ублажи симптомите на настинка и грип, така има храна која може само да ви ја продолжи болеста.

nastinka_hrana

 

Затоа, ако не сакате да одлежите уште еден ден, избегнувајте ги овие 4 работи:

1. Сокови и слатки пијалаци

Сите сокови кои се полни со шеќери предизвикуваат побавна борба на организмот со инфекцијата. Ова важи и за секоја останата храна богата со шеќер, како колачиња, торти, бонбони… Наместо тоа, пијте умерено засладен чај или обична вода. Ако морате нешто да грицкате, одберете овошје.

2. Млечни производи

Иако можеби сте слушнале дека млекото, јогуртот и сличните млечни производи не создаваат слуз, кај некои луѓе насобраниот секрет во грлото може да го направат погуст и тешко поднослив.

3. Алкохол

Кога ќе почувствувате дека настинката или грипот ве нападнал, откажете го пијалакот после работа. Алкохолот предизвикува воспаленија кои го прават телото подложно на болести. Дехидратацијата е уште една работа која ви штети. Ако не сакате да се разбудите со температура и ужасен мамурлак, избегнете го алкохолот.

4. Рафинирани јаглехидрати

Пржените лепчиња и бисквитите се класична храна кога сме болни. Но, тие се уште една грешка. Рафинираните јаглехидрати во нив брзо се претвораат во шеќери и влијаат исто како колачите и засладените сокови. Најдобро е да јадете свеж леб од цели зрна.