ЕВРО 2016: Минимални победи на Германија и Полска во Ц групата

Фудбалската репрезентација на Германија ја совлада Северна Ирска со 1-0 и го освои првото место во Ц групата. Северните Ирци се трети во оваа група, а втора е Полска којашто, исто така, со 1-0 славеше над Украина.

Image (7)

Германија првата фаза на Европското првенство ја заврши со седум бодови и без примен гол, исто како и Полска која е втора поради послабата гол разлика. Северна Ирска го освои третото место со три бода и гол разлика 2:2.

Северна Ирска, и покрај поразот, има големи шанси да игра во осминафиналето, бидејќи на табелата на третопласираните селекции го задржа второто место пред Албанија. Северна Ирска на оваа табела можат да ја престигнат Чешка, Португалија и Шведска.

Германија на „Паркот на Принцовите“ доминираше против дефанзивно ориентираната Северна Ирска, но од многуте шанси единствено Марио Гомез постигна гол по половина час игра.

Слично какои Германија, и Полска доминираше против Украина, но единствено Куба Блашчиковски во 54. минута успеа да постигне гол.