Мареј и Надал тргнаа фуриозно на ОИ

Рафаел Надал и Енди Мареј покажаа дека се во одлична форма на стартот од овие Олимписки Игри, лесно триумфирајќи на своите први мечеви од тенискиот турнир во Рио де Жанеиро.

nadal-spanija-rio-615x400

Надал се мачеше со повреда во последните неколку месеци, но Шпанецот делуваше моќно на вечерашниот дуел со Делбонис, декласирајќи го својот противник со убедливи 6-2, 6-1. Мечот беше израмнет само во првите четири гејма, кои беа израмнети (2-2), за потоа Надал целосно да доминира и да стигне рутински до второто коло, каде ќе се сретне со Италијанецот Сепи.

Енди Мареј немаше никакви проблеми во пресметката со Виктор Троицки, исто така триумфирајќи со максимални 2-0 во сетови. Британецот го загуби својот сервис во првиот гејм, но експресно се врати, па славеше со конечни 6-3, 6-2. Негов следен противник ќе биде Хуан Монако од Аргентина.

Изненадувања денеска немаше ниту на женскиот дел од турнирот, Серена Вилијамс ја совлада Гаврилова со 6-4, 6-2, Кербер беше подобра од Дуке Марино од Колумбија, додека Квитова лесно ја реши Унгарката Бабош.

преземено од ekipa.mk