Американскиот претседател Барак Обама во четврток ќе го објави датумот на својата историска посета на Куба, која би требало да се случи во наредните недели, како силен знак за одмрзнување на односите меѓу двете земји, пренесува AFP.
Ова ќе биде прва посета на Куба на еден актуелен американски претседател уште од кубанската револуција во 1959 година. Последен американски лидер што го посети овој остров за време на својот мандат беше Келвин Колиџ во 1928 година.
Како што му се приближува крајот на мандатот, Обама јасно стави до знаење дека сака да ја посети Куба. Тој го смета завршувањето на педесетгодишната американска политика на изолација за врвно достигнување на надворешната политика.