Комплетната дискографија на најславните рок групи во историјата The Beatles, по првпат од овој Божик ќе се најде на сите најголеми музички стриминг сервиси.
„Дали се подготвени, Бадник 12.01 АМ“, напиша Ринго Стар на Twitter.
Деветте главни интернет стриминг сервиси – Spotify, Apple Music, Deezer, Google Play, Microsoft Groove, Amazon’s Prime Music, Napster, Slacker Radio и Tidal, ќе ги понудат хитовите на славната четворка од Ливерпул, меѓу кои „Hey Jude“, „Let It Be“ и „Please Please Me“….
Преживеаните членови на бендот, Пол Маккартни и Ринго Стар, со години не дозволуваат стриминг од песните на групата, иако може да се купат на iTunes на Apple. Како причина за тоа тие ги наведуваа ниските тантиеми за музичарите.,
Според Гинисовата книга на рекордите, The Beatles се најпродаваната група на сите времиња со продадени 178 милиони албуми само во САД, и околу милијарда во целиот свет.