Џексон Мартинез се сели во Кина, Атлетико заработи 42 млн евра

Колумбиецот Џексон Мартинез го напушто Атлетико Мадрид и својата кариера ќе ја продолжи во Кина, во тимот на Гвангжу Евергранде.

Image

Кинескиот тим за Колумбиецот плати 42 милиони евра, со што го собори трансфер рекордот во оваа земја. Мартинез ги минал лекарските прегледи и веднаш заминал за Дубаи, каде неговите нови соиграчи се наоѓаат на подготвки.

Колумбискиот репрезентативец со Гвангжу Евергранде потпиша четиргодишен договор. Мартинез (27) на почетокот на сезонава за сума од 35 милиони евра пристигна во Атлетико од Порто, но успеа да се вклопи во тимот, постигнувајќи само два гола на 15 натпревари во првенството.

Инаку, кинеските клубови, во зимскиот преоден рок беа исклучително активни, тие потрошија повеќе од 200 милиони евра, а покрај Џексон Мартинез во Кина ќе играат Фреди Гуарин, Жервињо и Рамиреш.