Село на Мeсечината најдобра замена за ISS

Село на Месечината не е научна фантастика, и тоа би можело да стане стварност до 2030 година, смета челникот на Европската вселенска агенција (ESA).

Image

Според најавите од САД, Меѓународната вселенска станица треба да биде во функција до 2024 година, четири години подолго отколку што претходно се планираше. Меѓутоа, Русија, најави дека би можела да изгради сопствена орбитална станица, а некои европски земји и членки на ESA изразија сомневање дека би биле исплатлив уште четири години одржување на ISS.

Бидејќи згаснувањето на Меѓународната вселенска станица е предвидено за 2024 година, новиот челник на верува дека е дојден моментот за планирање на следната фаза на присуството на човекот во Вселената.

Јохан Дитрих Вернер ја изнесе својата визија како Меѓународната вселенска станица (ISS) да биде заменета со лунарно село со населби кои од месечевата прашина ги градат роботи и 3Д печатачи.

„Размислував за тоа кој проект би можел да ја замени Меѓународната вселенска станица. Сметам дека село на Месечината би било идеалниот наследник на ISS за вселенските истражувања“, изјави Вернер на научен собир во Париз.

Уште во јуни минатата година, кога ја презема челната функција во ESA, Вернер сметаше дека мисијата на Месечината е приоритет, велејќи дека тоа би бил клучниот чекор кон евентуалното испраќање на луѓе на Марс.

Повеќе држави, агенции и приватни компании, како што се ESA, NASA, Русија и Кина, би можеле да учествуваат во тој проект, со технологија и астронаути кои би помогнеле во подготвувањето на мисиите на Марс и би ги продолжиле научните истражувања коишто сега се изведуваат на ISS.

„Доколку некој изнесе подобра идеја, во ред… Меѓутоа, засега на масата нема подобар предлог“, рекол Вернер.

Кон крајот на октомври Вернер го изложи својот план и според првиот човек на Европската вселенска агенција (ESA), месечевото село би било сместено на делот на Месечината кој не се гледа од Земјата и не би станувало збор само за неколку куќи, градски совет и цркви, туку за меѓународна колонија којашто би била изградена со помош на роботи и којашто ќе овозможува спроведување различни научни мисии.

Според првиот човек на Европската вселенска агенција (ESA), месечевото село би било сместено на делот на Месечината кој не се гледа од Земјата и не би станувало збор само за неколку куќи, градски совет и цркви, туку за меѓународна колонија којашто би била изградена со помош на роботи и којашто ќе овозможува спроведување различни научни мисии

Селото, коешто всушност би било расфрлани населби, би можело да биде изградено во длабоките кратери на површината на Месечината кои доселениците од Земјата би ги штителе од опасностите, како што е космичката радијација, микрометеорите и несоодветните температури, смета Вернер.

„Мораме да размислуваме за иднината понатака од Меѓународната вселенска станица. Мораме да планираме изградба на вселенски брод кој ќе биде во можност да ја проучува микрогравитацијата во ниската орбита на Земјата“, појасни пред неполни три месеца челникот на ESA.

Додаде дека првите жители на „лунарните села“ би биле научниците и истражувачите, но и дека претприемачите веќе размислуваат како да пронајдат начин за искористување на природните ресурси на Месечината, како што се златото, кобалтот, железото, платината, паладиумот, волфрамот и хелиумот-3.