Четири британски веслачки го превеслаа Пацификот од САД до Австралија, станувајќи прв женски екипаж на кој тоа му успеало.
Веслачките патувањето го започнале пред 257 дена во Сан Франциско, а во понеделник стигнаа до Каирнс, во северозападна Австралија. Превеслале 13.592 километра.
Нивниот розев чамец, наречен Дорис, беше долг девет метри, а широк нешто помалку од 2,5 метри. Имаше две веслачки позиции и по една кабина, каде што жените спиеја и одржуваа хигиена.
Четворочлениот екипаж се менуваше на веслата на секои два часа. На копно запреа само двапати, на Хаваите и Самоа.
За време на пловидбата се соочија со тропски бури, вклучувајќи и бранови високи по неколку метри, а чамецот знаеја да го обиколат и ајкули. Извесно време во близина на чамецот друштво им правеше и еден кит.