Иако оваа сезона ги обожаваме парчињата во живи бои, шарените пантолони и дречливите штикли, некои класични црни парчиња едноставно е невозможно да ги изоставиме, кога е безвременоста во прашање.
1. Добро црно боди
Со долги ракави или без нив, не е важно, важно е само совршено да ви прилега и под него без проблем да можете да носите градник. Црното боди е вистински спас бидејќи во комбинација со било која сукња ќе изгледа како нов коктел фустан, со пантолони со висок струк како комбинезон, со блејзер супер елегантно, а со проѕирна кошула или фустан ќе ве спаси од вистинско модно фијаско…
2. Црн блејзер
Можеш да го носиш на се и во сите прилики, а за само неколку секунди со добар накит може да се претвори во вистинска елегантна комбинација.
3. Црна сукња
Секоја девојка во својот плакар треба да има барем една добра црна сукња. Важно е само совршено да ви прилега и да не е прекратка. Препорачуваме класична „молив“ сукња до колена, која може да се носи со класични кошули, маички и разнобојни корсети.
4. Малиот црн фустан
За малиот црн фустан е кажано надолго и нашироко, па веќе знаеме дека е задолжително парче во плакарот на секоја жена. Кога треба да изгледаме елегантно и префинето, тоа е секогаш вистинскиот избор.
5. Црни салонки
Ногата најдобро изгледа во секси пар на штикли, па препорачуваме да не се штеди на нив. Класиката е вечна, па такви се и затворените црни салонки со тенка потпетица.
