Полицијата во Виена пронашла во Дунав банкноти вредни повеќе од 100.000 евра, кои од водата за време на викендот ги извадиле пожарникарите, соопшти во понеделник полицијата.
Не е познато како парите се нашле во Дунав, ниту кој е нивен сопственик, се наведува во полициското соопштение, пренесува AP.
Портпаролот на полицијата Роман Хаслингер изјави дека во последно време не е пријавен ниту еден грабеж, ниту, пак друго злосторство што би вклучувало толку голем паричен износ.
Хаслингер наведе дека доколку сопственикот не биде пронајден, парите ќе му припаднат на човекот што ги воочил во реката, а потоа скокнал во вода да ги извади.