Суд во Обединетите Арапски Емирати (ОАЕ) осуди во неделата единаесет лица обвинети за тероризам и собирање пари за екстремните исламистички организации Ал Каеда и Исламска држава во Сирија на доживотен затвор, објави државната новинска агенција WAM.
Ланскиот октомври вкупно 41 лице беше обвинето за „поседување огнено оружје и муниција, кои биле наменети за терористички акции против земјата и нејзината безбедност“, наведува агенцијата.
На една група од нив им се заканува затворска казна поради „собирање пари и финансиска помош за други терористички групи, како Џебхат ан-Нусра (Ал Каеда) и Даеш (Исламска држава) во Сирија.
Дваесет и три обвинети, покрај единаесетте на доживотен затвор, се осуден на пет до петнаесет години затвор, а другите се ослободени.
Агенцијата не ја наведува националноста на осудените, но наведува дека две лица се осудени во отсуство.