Меѓународниот аеродром во Абу Даби е затворен во среда заради обилни врнежи од дожд, јави агенцијата AP повикувајќи се на соопштение на компанијата Етихад.
Компанијата Етихад на својот Твитер профил соопшти дека меѓународниот аеродром Абу Даби е затворен заради тешките временски услови, што доведе и до доцнење на некои летови.
Весникот Нашонал јави дека се затворени и училиштата во Абу Даби заради пороен дожд и додаде дека училиштата во Дубаи денеска ќе бидат затворени.
Националниот метеоролошки и сеизмолошки центар на Емиратите предупреди на обилни врнежи, што во оваа пустинска земја ретко се случува.