Ливерпул се наоѓа на чекор до пласман во финалето во Лига купот на Англија, откако во првиот полуфинален меч на „Британија“ стадионот во Стоук, го совлада домаќинот со 1:0.

Натпреварот го реши Ајб во 37.минута. Во акцијата покрај стрелецот Ајб учествуваше и Милнер. Овие двајца играчи во текот на првото полувреме ги заменија повредените Кутињо и Ловрен.
Интересно, во првото полувреме двата тима направија само еден прекршок, а до крајот на мечот бројот на прекршоци беше десет.
Возвратниот натпревар ќе се одигра на 26.јануари во Ливерпул. Во вториот полуфинален меч, во среда, ќе се сретнат Евертон и Манчестер Сити.
Финалето во Лига купот ќе се одигра на 28.февруари на „Вембли“.