Најмалку 19 луѓе загинаа кога вооружени исламисти нападнале ресторан на брегот во сомалискиот главен град Могадиш во четврток навечер, соопшти во петок сомалиската полиција.
Меѓу убиените се жени и деца, рече полицаецот Мохамед Абдирахман, нарекувајќи го нападот „варварски и брутален“.
По силната експлозија, вооружени напаѓачи упаднале во ресторан додека луѓето биле на масите.
Бунтовниците од редовите на Ал шебаб ја презедоа одговорноста за нападот, во кој се убиени и четворица нивни луѓе, а еден е уапсен.
Плажата Лидо во Могадиш е позната по многу ресторани кои ги посетуваат богати деловни луѓе.
„Сакаа да убијат што повеќе цивили, но безбедносните сили ги спасија повеќето од нив“, рече Абдирахман.