Горан Пандев најмалку еден месец ќе отсуствува од тимот на Џенова, поради повредата со која се здоби на првенствениот натпревар со Фросиноне.
Џенова во 31. коло во Серија А славеше над Фросиноне со 4:0, а Пандев поради повреда побара замена по само 20 минути игра.
Лекарските прегледи покажале дека тој има сериозна повреда на мускулот на левата нога, поради што најмалку еден месец ќе биде надвор од фудбалските терени.
Повредата доаѓа во незгодно време за Пандев, кој во изминатите неколку натпревари најави дека се враќа во препознатливата форма. На последните три средби, иако не постигна гол, беше еден од најдобрите играчи на Џенова, а одигра и два добри натпревара за Македонија, иако „црвено жолтите“ загубија од Словенија и Бугарија.
макфакс