Министерот за финансии Зоран Ставрески поради редовните обврски, ќе одговори на поканата на Анкетната комисија во Собранието на 17 декември 2015 и ќе се обрати пред пратениците од истата комисија, соопшти во средата ВМР0-ДПМНЕ.

Ставрески, според редоследот кој го објави претседателот на комисијата Петре Шилегов, требаше да сведочи пред комисијата во четврток на 10 декември.
Претходно ВМРО-ДПМНЕ соопшти дека претседателот на партијата и премиерот Никола Груевски на поканата на Анкетната комисија ќе одговори на 14 декември, а според распоредот на Шилегов, Груевски требаше денеска да се обрати пред пратениците од комисијата.
Премиерот Груевски се наоѓа во официјална посета на Израел.