Вашингтон и Ријад бараат примирје во Сирија и разговараат за копнена операција

САД и Саудиска Арабија побараа во понеделникот примирје и хуманитарен пристап во Сирија, и разговараат за можно испраќање на специјалните саудиски сили на сириска територија, пред одржување на меѓународната конференција за сирискиот конфликт која треба да се одржи подоцна седмицава во Минхен.

Image

„Наш голем интерес е да ги решиме проблемите во регионот пред тие да нé уништат“, предупреди саудискиот министер за надворешни работи Адел ал-Џубеир за новинарите во Вашингтон, придружуван од американскиот државен секретар Џон Кери.

Шефот на американската дипломатија, пак, рече дека двете сојузнички земји „интензивно работат на тоа Меѓународната група за помош на Сирија (ISSG, 17 земји и 3 мултилатерални организации кои донесоа дипломатски насоки за сирискиот конфликт) ќе може да направи чекор кон целосен хуманитарен пристап и целосно примирје“.

„Се надеваме дека, кога овие денови ќе се видиме во Минхен, ќе можеме да се приближиме кон таа цел“, истакна Кери.

По средбите во Виена и во Њујорк кон крајот на 2015 година, светските и регионалните сили, во прв ред САД, Русија, Саудиска Арабија и Иран кои се дел од ISSG, треба да се сретнат во четврток во Минхен за да преговараат за запирање на петгодишната војна која ги надминува границите на регионален безбедносен проблем.

Овој ткн Виенски дипломатски процес беше потврден на 18-ти декември со резолуцијата на Советот за безбедност на ОН која ја прифатија петнаесетте членки. Тој текст бара воспоставување примирје и хуманитарен пристап до сириските градови кои се под опсада.

САД, кои во сирискиот конфликт ги поддржуваат сунутските вооружени опозициски групи, минатата седмица го променија односот и ја обвинија Русија, која е сојузник на владата на сирискиот претседател Башар ал-Асад, дека поддржувајќи ја офанзивата во северната покраина Алепо со што Дамаск во тој дел од земјата ќе ја контролира границата со Турција, ги минирала преговорите во Сирија, кои всушност ниту започнаа, бидејќи заглавија уште на подготвувањата кои групи треба да бидат присутни на преговорите.

„Одлучни сме да соработуваме со САД и со нашите сојузници во светот за да го решиме тоа, било да станува збор за војната против тероризмот, обидите за стабилизација на Блискиот исток, израелско-палестинскиот мир или, пак, мирот во Јемен, изјави Џубери чијашто земја и САД имаа тензичен период во меѓусебните односи, во прв ред поради Ирна и Сирија.

Џубеир заминувајќи од Стејт департментот по разговорите со Кери, даде посебна изјава во која се осврна на предлогот на Ријад наводно во рамките на меѓународната коалиција против Исламската држава да испрати во Сирија копнени сили.

„Американската влада даде поддршка а фактот дека саудиската монархија е подготвена да испрати специјални сили во Сирија, ако така одлучи меѓународната коалиција“,изјави Џубеир, Вашингтон преку челниците на Пентагон минатата седмица даде до знаење дека е наклонет на саудискиот предлог.