Како што зачестуваат студените денови, ветрот станува поостар, така сè посурово влијае на нашата кожа на лицето и усните.
Колку и да се покривате со шапки и шалови, усните ви се едни од најизложените делови на сите надворешни влијанија.
Кожата на усните лесно се суши и испукува, па често знае да ви се направат рани на кои ниеден кармин не изгледа добро.
Токму затоа, добро е повремено да правите брз пилинг со кој ќе го вратите сјајот на вашите усни и ќе изгледаат полно, здраво и сочно.
Доволно е да измешате малку мелено кафе и малку маслиново масло, така што ќе добиете густа смеса со која лесно ќе ги измасирате.
По ваквиот третман, сите мртви клетки ќе отпаднат, а усните ќе ви бидат мазни, меки и негувани.