Забрани за тешки товарни возила поради снег има на патните правци Тетово – Попова Шапка, крак Маврово – Дебар и Струга – граничен премин Ќафасан.
Забрана за автобуси има на патниот правец Тетово – Попова Шапка, а за останатите возила задолжителна е употреба на зимска опрема.
Забранaтa за тешки товарни возила на патниот правец крак Стража – Кичево е укината во 09:50 часот, а на патниот правец Крива Паланка – граничен премин Деве Баир во 09:15 часот.
Сообраќајот на државните патишта се одвива по влажни коловози, наместа со остатоци од кашест снег на коловозот после интервенција на дежурните екипи од Македонија Пат.
Претходно АМСМ информираше дека на патниот правец Кочани-Делчево се забележува зголемена појава на одрони. Особено внимание е потребно кај делот од Истибања до брана Калиманци.
Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Гостивар – крак Маврово – Стража, Демир Капија – Удово и Виница – Берово, каде е можна почеста појава на одрони.