Пет дена гејминг, сите игри на едно место!

Ова е мотото на несекојдневниот настан – “Gaming Extravaganza”, кој ќе се случи за време на Саемот на книга, од 12 до 18 април во организација на Гоблин Друштвени Игри.
Презентации на игри, турнири и многу дружење на сите играчи на друштвени и компјутерски игри ќе има во галеријата на Хала 1, каде Гоблин друштвени игри ќе има голем изложбен простор со 20-тина маси.

Во агендата за сабота, меѓу другото е и презентацијата на македонската друштвена игра „Каверн Таверн“(Cavern Tavern), од нашите Final Frontier Games, а ќе имаме и специјално гостување на најпознатиот македонски стрип-цртач, Михајло Димитриевски – Тхе Мичо (Тхе Мичо), кој зад себе веќе има илјадници цртежи за друштвени игри од целиот свет. Сите заинтересирани во сабота ќе може да ја пробаат играта, пред таа на 20 април да се појави на платформата за поддршка на проекти – kickstarter.com.

Последен и главен настан на Саемот ќе биде четвртиот официјален турнир во Македонија во најпопуларната онлајн игра со карти – Хартстоун!
Четвртиот ваков настан ќе биде специјално издание, бидејќи ќе се одржи на Саемот на книга, а поради тоа ќе биде и со ограничен број на играчи. Настанот ќе се одржи на 17 април, недела.
На турнирот ќе учествуваат само 64 играчи од цела Македонија, кои во текот на еден ден ќе играат меѓусебно во битка за првото место, а наградата за прво место е таблет – Lenovo IdeaTab 2, која ја доделува Анхоч! Покрај оваа ќе има и голем број други награди, како гејмерски слушалки и мауси, друштвени игри,… кои ги обезбедија Анхоч, студиото за анимации Линкс, Final Frontier Games и Виталија.
Распоред на турнири и настани на Gaming Extravaganza
Вторник 12 Април
– 17ч Small Starr Empires презентации
последен ден од кикстартер кампањата
Среда, 13 април:
– 17 ч .Yu-Gi-Oh! турнир (БЕСПЛАТНО)
Четврток, 14 април
– 17 ч. Warhammer Miniature game презентации и играње
– 17 ч. X-Wing Miniature game презентации и играње
Петок, 15 април
– 17 ч. Magic: The Gathering (FNM) – Турнир за почетници (БЕСПЛАТНО)
– 17 ч. Magic: The Gathering (FNM) – Стандард (БЕСПЛАТНО)
– 17 ч. Magic: The Gathering (FNM) – Модерн (БЕСПЛАТНО)
Сабота, 16 април
*ЦЕЛ ДЕН СПЕШАЛ ГЕСТ СТАР – ТХЕ МИЧО*
– 10 ч. Yu-Gi-Oh! Државно првенство (учество: 300 ден.)
– 12 ч. Cavern Tavern презентации
– 12 ч. Ravensurger редење пазли
– 13 ч. Magic: The Gathering – модерн гивавеј турнир (учество 200 ден.)
– 14 ч. Board Game Day
– 14ч Small Star Empires презентации
– 17 ч. Warhammer Miniature game презентации и играње
– 17 ч. X-Wing Miniature game презентации и играње
Недела
– 10 ч. Hearthstone турнир
– 12 ч Cavern Tavern презентации