Причината поради која некои луѓе многу често се подлежни на појава на херпес на устата е недостатокот на интерферон, протеин кој спречува појава на херпесите.

Научниците од Шкотска открија дека главниот виновник за херпесот се крие во гените. Луѓето кај кои херпесот секогаш се враќа имаат недостаток на протеинот интерферон-ламбда кој ја спречува активацијата на ХСВ-1 (херпес симплекс вирус, тип 1).
Научниците анализирале илјадници гени и ги споредиле со ДНК-та на оние кај кои често се јавуваат болните меури на устата. Заклучено е дека кај тие луѓе има недостаток на имунолошкиот протеин, па имуниот систем не може да се избори со вирусот.
Професор Џуерган Хас, кој е и водич на истражувањето, изјави:
„ХСВ-1 е еден од вирусите кој од кога ќе се вдоми во организмот, не можете да се ослободите од него. Тој се вовлекува во нервниот систем и најчесто се јавува при стрес или болест, а резултатите од истражувањето даваат нова надеж за трајно излекување од опасниот вирус кој може да предизвика и болест на мозокот“.
Скоро 90 проценти од возрасните имаат ХСВ-1 во организмот, но само кај една четвртина од нив се јавуваат манифестациите од истиот на устата, а истите се јавуваат на неколку седмици. Вирусот најчесто се шири со бакнежи, а луѓето најчесто го добиваат за време на детството.