Англискиот премиерлигаш Манчестер сити остана без еден од своите најдобри фудбалери, Кевин де Бруин, во наредните триесетина дена. Тој заработи истегнување на бутниот мускул на саботниот меч од Премиер – лигата против Свонси и беше заменет во 81.минута, а лекарските прегледи покажаа дека повредата воопшто не е сериозна.
Според ова, Де Бруин нема да може да настапи за Манчестер сити на дуелите против Селтик в среда во ЛШ, како и против Тотенхем и против Евертон во Премиер – лигата, а неизвесен ќе биде и за патувањето на „Камп Ноу“ и соочувањето со Барселона во елитното европско клупско натпреварување.
Де Бруин нема да може да биде дел и од репрезентацијата на Белгија на претстојните квалификациски натпревари против Босна и Хецеговина и против Гибралтар.
ekipa.mk