Шпанија ќе ја пречека Македонија со најсилниот состав што во моментов може да го одреди селекторот Хулен Лопетеги. Освен повредените Серхио Рамос, Андрес Иниеста, Жерар Пике и Жорди Алба, на списокот на „црвената фурија“ се најдоа највалитетните фудбалери со кои располага шпанскиот фудбал.
Избраниците на Игор Ангеловски на 12.ноември ќе се соочат против ѕвезди од Премиер – лигата, играчи од Барселона, Реал Мадрид и Атлетико Мадрид, како Диего Коста, Давид Силва, Давид Де Хеа, Нолито, Хуан Мата, Серхио Бускетс, Алваро Мората, Иско Аларкон, Лукас Васкез, Коке…
Лопетеги одбра 25 фудбалери од кои само тројца со своите клубови не се дел од Лигата на шампионите оваа сезона. Тоа се Серхио Асењо (Вилјареал), Ињиго Мартинез (Реал Сосиедад) и Ариц Адуриз (Атлетик Билбао).
На списокот се најдоа:
Голмани: Давид Де Хеа (Манчестер јунајтед), Хозе Реина (Наполи), Серхио Асењо (Вилјареал)
Одбрана: Серхи Роберто (Барселона), Дани Карвахал (Реал Мадрид), Марк Бартра (Борусија Д.), Сезар Аспиликуета (Челси), Ињиго Мартинез (Реал Сосиедад), Начо Фернандез (Реал Мадрид), Начо Монреал (Арсенал), Серхио Ескудеро (Севилја)
Среден ред: Давид Силва (Манчестер сити), Тијаго Алкантара (Баерн Минхен), Хуан Мата (Манчестер јунајтед), Коке (Атлетико Мадрид), Иско (Реал Мадрид), Лукас Васкез (Реал Мадрид)
Напад: Витоло (Севилја), Хозе Калјехон (Наполи), Нолито (Манчестер сити), Диего Коста (Челси), Ариц Адуриз (Атлетик Билбао), Алваро Мората (Реал Мадрид).
ekipa.mk