Осум лица се повредени во пожарот што избувна во куќа попладнево на улица „Илија Ристевски“ во скопското село Драчево, соопштуваат од МВР.
Пожарот избувнал при две експлозии при монтирање на грејно тело со плинска боца. На лице место се противпожарни екипи и екипи на Итната медицинска помош како и увидна екипа на СВР Скопје.
Шестмина од повредените се пренесени во Градската општа болница „Свети Наум Охридски“, а двајца се пренесени во Ургентниот центар во Скопје.