Мажите открија што очекуваат од жената во сексот

Кога мажите ќе откријат што сакаат и што очекуваат да доживеат во кревет, на жените им станува многу полесно. А сексот, од машки агол, би требало да изгледа вака.

sex

Мора да почувствува дека таа навистина сака секс

Кога мажот ќе забележи дека жената на секс ја мотивираат обврски и погрешна желба за нему да му удоволи, тој ја губи волјата за секс. Жената која во сексот ужива подеднакво како и мажот е најдобра мотивација за припадниците на посилниот пол.

Мора да почувствува дека таа навистина го сака него

„Те посакувам“, тие зборови се доволни за да го задоволите неговото его, но и да го отфрлите секој негов сомнеж. Ако сте срамежливи за ваков потег, смс порака со слична содржина ќе има ист ефект. Покрај зборовите, ефикасен е и погледот, па фокусирајте се на делот од неговото тело кое најмногу ве привлекува и трудете се тој да ги забележи вашите погледи.

Сака крај себе да има самоуверена жена

Жената која самоуверено ја соблекува облеката на мажот му е многу попривлечна од жената на која гасење на светлото и` е прв потег во спалната соба. Мажите големо внимание посветуваат на визуелниот впечаток. Припадниците на понежниот пол не треба да се грижат поради малите несовршености. Во посебните моменти на страст, целулитот е последно нешто кое мажот ќе го забележи.

Не сакаат тишина за време на сексот

Кога ќе се ослободите и гласно ќе покажете колку уживате во сексот, тоа за мажот ќе биде најдобар знак дека не греши во ништо. Од помош можат да бидат и инструкции. Жените добро знаат што ги возбудува, па нема причина зошто тоа да не му го кажат и на партнерот.

Сакаат партнерки подготвени на авантура

Мажот сака кога кај жената ќе забележи подготвеност да проба нешто ново во сексот. Рутината е голем непријател на сексуалното задоволство. Отворен разговор за сексуалните желби треба да води кон нивно спроведување во дело или пак до компромис во следниот заеднички потег.

Не сакаат кога жените глумат оргазам

Доколку жената глуми дека доживеала оргазам, со тоа го спречува мажот да научи што е тоа што ја задоволува неговата партнерка. Со глумата може да го одведете на погрешен пат, а тој ќе биде сигурен дека погрешни работи водат кон уживање, па ќе ги повторува додека не ја слушне вистината.