Грчкиот министер за миграции Јоанис Музалас рече дека неговата земја бара поддршка од ЕУ за брза депортација на мигрантите на кои им е одбиено барањето за азил од грчките острови назад во Турција.
Музалас изјави дека скрининг центрите на грчките острови би можеле да бидат искористени за враќање назад на мигрантите со бродови во насока на Турција.
Грчкиот министер призна дека имало големо доцнење во формирањето на скрининг центрите и дека Атина побарала помош за овој проект.
Над еден милион мигранти и бегалци пристигнаа во ЕУ минатата година, а над 80 отсто од нив минаа преку грчките острови во близина на Турција.