Анкара, 21 јули, 2016 – 9:34 (META)
Турскиот претседател Реџеп Таип Ердоган прогласи тримесечна вонредна состојба во Турција по неуспешниот воен удар, јавуваат светските агенции.
Ердоган, по завршувањето на седницата на Владата во Анкара, рече дека воведувањето на вонредна состојба не е против демократијата, владеењето на правото и слободата.
Според него, демократијата во Турција нема да биде загрозена, а вооружените сили се во служба на Владата, јавуваат турските медиуми.
Претседателот на Турција оцени дека воведувањето на вонредната состојба било потребно за да се „отстрани заканата“, јави „Би-би-си“.